Электрондук патентти эми BTB Business тиркемесинде тариздеңиз!
22.07.2026
«Бай-Түшүм» Банкы ишкерлер үчүн BTB Business мобилдик тиркемесинин мүмкүнчүлүктөрүн кеңейтүүнү улантууда. Эми жеке ишкерлер электрондук патентти тариздеп, анын мөөнөтүн узартып жана төлөмүн түз эле тиркеме аркылуу жүргүзө алышат. Бул үчүн салык органдарына баруунун кереги жок.
Жаңы кызмат бардык процессти онлайн режиминде бир нече жөнөкөй кадам менен бүтүрүүгө мүмкүндүк берет. Бул убакытты үнөмдөп, мамлекеттик органдарга кайрылуу зарылдыгын азайтып, ишкерлерге өз бизнесин өнүктүрүүгө көбүрөөк көңүл бурууга шарт түзөт.
Электрондук патентти тариздөө же анын мөөнөтүн узартуу үчүн BTB Business тиркемесине кирип, тиешелүү бөлүмдү тандап, көрсөтүлгөн нускамаларды аткаруу жетиштүү. Бардык маалыматтар санарип форматында жеткиликтүү болот.
BTB Business — бул ишкерлер үчүн заманбап санариптик платформа. Тиркеме банктык жана мамлекеттик кызматтарды бир жерге бириктирет. Колдонуучулар эсеп ачуу, жеке ишкер катары катталуу, салыктарды жана мамлекеттик төлөмдөрдү төлөө, ошондой эле бизнести башкарууга жардам берген башка пайдалуу кызматтарды пайдалана алышат.
BTB Business менен бизнесиңизди башкаруу дагы да жеңил, ыңгайлуу жана ылдам болсун!
