Astrasend акча которуулары эми BTB мобилдик тиркемесинде жеткиликтүү

«Бай Тушум» Банкы санариптик кызматтарды кеңейтүүнү улантып, BTB мобилдик тиркемесинде жаңы функция ишке киргизилгенин жарыялайт. Эми банктын кардарлары Astrasend эл аралык системасы аркылуу акча которууларды толугу менен онлайн — бөлүмдөргө барбастан ала алышат.

Жаңы сервис которууларды түздөн-түз банктык эсепке бир нече мүнөттүн ичинде түшүрүүгө мүмкүнчүлүк берет. Мындан тышкары, которууну алуу үчүн комиссия 0 сомду түзөт, бул кызматты кардарлар үчүн дагы да пайдалуу кылат.

Которууну кантип алса болот?

1. «Төлөмдөр жана которуулар» → «Astrasend которуулары» → «Которууну алуу» бөлүмүнө кириңиз

2. Жөнөтүүчү берген 10 орундуу кодду киргизиңиз

3. Которуунун маалыматтарын текшериңиз

4. Каражат түшө турган эсепти тандаңыз

5. Которууну тастыктаңыз

Astrasend системасын BTB мобилдик тиркемесине интеграциялоо кардарларга каалаган убакта жана каалаган жерде которууларды тез жана ыңгайлуу алууга шарт түзөт. Жаңы сервис «Бай Тушум» Банкынын санариптик чечимдерин өнүктүрүүнүн алкагында ишке ашырылып, кардарларды тейлөөнүн ыңгайлуулугун жогорулатууга багытталган.

Жаңы кызмат BTB мобилдик тиркемесинин бардык колдонуучулары үчүн жеткиликтүү.