Директорлор Кеңеши

1  АБДРАШИТОВ ЗАКИР НУРАХМАТОВИЧ,

 Директорлор Кеңешинин Төрагасы 

Бухгалтердик эсеп жана салык укугу боюнча кеңешчи. 2005-жылдан бери микрофинансылык уюмдар жана Борбордук Азия өлкөлөрүнүн банктарында процедуралардын саясатын жана ички көзөмөл тармактарынын курулушун иштеп чыгуу багытында тыгыз кызматташып келе жатат.

Кыргыз Республикасындагы жана чет мамлекеттердеги микрофинансылык уюмдардын финансылык отчеттуулугунун сапатын жана ачык-айкындуулугун жогорулатуу үчүн өнүгүүнүн эл аралык институттары  жана эл аралык финансылык уюмдар менен кеңешчи катарында иш алып барган, микрофинансылоону жана лизингди өнүктүрүү үчүн Борбордук Азия өлкөлөрүнүн финансылык рынокторуна талдоо жүргүзгөн. Салык салуу тармагында бизнестин кызыкчылыгын колдоо менен Кыргыз Республикасындагы коммерциялык эмес уюмдарда жетекчилик кызматтарда иштеп келген.

Закир Абдрашитов  бухгалтердик эсеп боюнча бакалавр деңгээлинин (Пенсильвания, АКШ) жана экономика илимдеринин магистри деңгээлинин ээси (Бишкек, Кыргызстан).

ЕЛЕНА НЕЛЬСОН,

Директорлор Кеңешинин мүчөсү

Елена Нельсон, айыл жерлеринде иштеген финансылык иснтитуттарды, коммерциялык банктарды, микрофинансылык уюмдарды өнүктүрүү, окутуу, техникалык жактан колдоону  координациялоо боюнча 30 жылдан ашык иштеген тажрыйбасы бар.Ассоциирленген Вице-Президент,  ACDI/VOCA компаниясынын айыл жерлеринин элдерин финансылоо боюнча адис катары 10дон ашык өлкөлөрдө стратегиялык долбоорлорду ишке киргизүү жана техникалык жактан колдоо жүргүзгөн, анын ичинде финансылык талдоону, стандарттуу операциялык жол-жоболордун системасын түзүү, финансылык мекемелерди жана трансформацияларды өнүктүрүү үчүн стратегиялык жана бизнес-пландаштырууларды камсыз кылган. Малавиде, Египетте, Түштүк Африкада, Борбордук Азияда (Кыргызстан, Тажикстан), Азербайджанда, Грузияда жана Индонезияда  финансылык институттун өнүгүүсүн баалоо үчүн колдонулган, финансылык мекемелердин турмушка жөндөмдүүлүгүн баалоо боюнча курал-жабдыктарды, финансыларды башкарууну жакшыртуу максатында, институттардын натыйжалуулугуна мониторинг жүргүзүүгө мүмкүндүк бере турган Интернет-базаны иштеп чыккан. Кыргыз Республикасында жана Румынияда банктык эмес финансылык мекемелерди жөнгө салуу маселелери боюнча консалтинг жүргүзгөн. Елена Нельсон, айыл чарбасын насыялоо тармагында жана инвестициялык долбоорлорду баалоо маселелеринде, анын ичинде долбоорлорду иштеп чырагууда жана аларды башкарууда, финансылык институттарды эл аралык өнүктүрүү тармагында жогорку квалификациялуу адис болуп саналат.  Бизнести башкаруу  боюнча профессионалдык билимдерге ээ; программаларды техникалык координациялоодо ийгиликтүү тажрыйбасы бар.

ГАЛЛЯМОВА НАТАЛЬЯ СИДОРОВНА,

Директорлор Кеңешинин мүчөсү

“VERITAS” Юридикалык агенттигинин Улуу Партнеру, адвокат, салык иши боюнча сертификациялуу кеңешчи. Коммерциялык, банктык, камсыздандыруу жана салык мыйзамдарынын багыттары боюнча адистешкен профессионалдуу юрист. Банктык мыйзамдар тармагында корпоративдик башкаруу жана баалуу кагаздар рыногу, укук колдонулуучу жана сот практикасы багытында көп жылдык тажрыйбанын ээси, экономика жана финансы маселелерин мыкты билген адис.

Жарандык укуктук мамилелер боюнча талаштуу маселелерди чечүүдө ийгиликтүү иштеп жаткан арбитраждык институттун Кыргыз Республикасында Эл аралык Третейлик Сотун түзүүнүн демилгечилеринин бири жана Кыргызстанда арбитраждык териштирүүлөрдү жөнгө салып турган мыйзамдардын активдүү иштеп чыгуучусу. Беш жылга созулган мезгил аралыгында Эл аралык Третейлик Сотунун Төрагасынын орун басары кызматында иштеген, соттун Байкоочу Кеңешинин курамында турат. Европа жана Азиядагы бир нече арбитраждык институттардын арбитри, Арбитрлердин Королдук Институтунун (Лондон, MCIArb) анык мүчөсү.

Колдонулуп жаткан “Кыргыз Республикасында камсыздандырууну уюштуруу жөнүндөгү” мыйзамды иштеп чыккан, Кыргыз Республикасынын Жарандык кодексинин биринчи бөлүмүнө Комментарийдин соавтору жана жооптуу редактору.

Салык кеңешчилеринин Палатасынын эксперти. Узак жылдар боюу салык кеңешчилеринин Палатасынын Башкармалыгын жана Эксперттик Кеңешин жетектеген.

“Жылдын адамы” конкурсунун жыйынтыгы боюнча Кыргызстандын мыкты юристи деп таанылган. Инженер-экономисттин (Москва технологиялык институту) жана юристтин (Кыргыз Улуттук Уиверситети) дипломдорунун ээси.

Ашимов1 АШИМОВ ТИЛЕК КААРМАНОВИЧ,

Директорлор Кеңешинин мүчөсү

2009-жылдан тартып ал Микро-кредиттик Агентство «Бай-Түшүм» Финансы Фонду Башкармалыгынын Төрагасы болуп саналат. Алдыңкы коммерциялык банктардын бири – Эсептешүү-сактык банкында Директорлор Кеңешинин Төрагасы катары иштеген жети жылдык иш тажрыйбасы бар. Ашимов мырза Директорлор Кеңешинин Төрагасы катары иштеген мезгилдин ичинде ЭСК адистештирилген компаниясынын толук кандуу РСК Банкка өтүүсү ийгиликтүү иш жүзүнө ашырылган.

Насыя союздарын колдоо жана өнүктүрүү боюнча Финансылык Компаниясынын (ФКПРКС) Башкы директору кызматында, Тилек насыя союздарын уюштурууда жана өнүктүрүүдө көмөк көрсөтүү аркылуу кичинасыялоо системасын түзүүнүн эң башында турган. Чет өлкөнүн инвестициялары жана техникалык жардамдын координациясы боюнча ага эксперт катары Кыргыз Республикасынын Улуттук банкында иштеген тажрыйбасы да бар.

Тилек Ашимов жогорку экономикалык билими бар, ал алдыңкы ЖОЖдо – Алмата Эл чарбалык институтунда, Кыргыз Улуттук Университетинде окуган.

Карл Дуйзберг атындагы Коомдун жетектөөчү кызматкерлер үчүн квалификациясын жогорулатуу курстарынын программасы боюнча AG, Кельндо (Германия) «Дрезднер- Банкында» стажировкадан өткөн. 1993-жылы Франкфурт, Коммерцбанкта төрт айлык стажировкадан өткөн.

ЙOАХИМ БОЛД

Директорлор Кеңешинин мүчөсү

Көз карандысыз кеңешчи, ResponsAbility Social Investments AG (Швейцария) өкүлү жана Франкфурт финансы жана менеджмент жогорку мектебинин (Германия) жетекчиси. Йоахим өнүгүп жаткан рыноктогу казначейлик, насыя жана банктык иш-аракеттердеги тобокелчилик багытындагы серепчи болуп саналат.

Доктор Болд микрофинансы уюмдары, банктар жана микрофинансылык инвестициялык фонддор менен иштешүүнүн бай тажрыйбасына ээ, ал ушул багытта 2001- жылдан бери 30дан ашуун өлкөдө иш жүргүзүп келет.

Йоахим өзүнүн карьерасын 1990-жылы Франкфурттагы AG Коммерцбанкынын эл аралык банк бөлүмүнөн баштаган. 1995-жылы Корваллисттеги Орегон штатынын Университетинде окутуучулук ишке киришкен.

1999-жылдан 2004-жылга чейин «Deutsche Borse Systems» – Немец фондулук биржасынын информациялык технологиялар бөлүмүндө иштеген жана өндүрүлгөн баалуу кагаздар рыногунун эл аралык оператору болгон.

2001-жылдан 2004-жылга чейин АКШ, Чикагодогу «Deutsche Borse» туунду компаниясынын Вице-президенти.

Йоахим бизнес администирлөөнүн магистр даражасынын (Kfm Диплому), экономика илимдеринин докторлук даражасынын жана ошондой эле АКШ башкаруучулук эсебинин бухгалтеринин сертификатынын ээси. Йоахим англис, француз, немец жана орус тилдеринде эркин сүйлөйт.

КРИСТИАН РЕМЕР

Директорлор Кеңешинин мүчөсү

Тобокелдиктер боюнча улук менеджер, тобокелдиктерди башкаруу жана казначылык, банктардын, фонддордун жана микрофинансылык уюмдардын натыйжалуулугун башкаруу боюнча  серепчи  жана кеңешчи. Ал Женевада жайгашкан дал келүүчүлүк боюнча Bamboo Finance компаниясынын, жеке инвестициялар боюнча фонддун тобокелдик-менеджери жана менеджери болуп саналат. Бул компаниянын максаты бүткүл дүйнө боюнча жайгашкан уюмдардын капиталына инвестицияларды жасоо.

Кристиан банк тармагында 25 жылдан ашуун тажрыйбага ээ, тактап айтканда ал эл аралык бир нече ири банктарда иштеген, негизинен тобокелдиктерди башкаруу, казначылык, финансыны жана насыялык куржунду башкаруу, мындан тышкары ар түрдүү долбоорлордогу инвестицияларды башкаруу багытында бай тажрыйбага ээ. 1991-жылдан 2005-жылга чейинки аралыкта ал Deutsche Bankта итеген,  бул жерде бир топ кызматтарда, анын ичинде Испаниядагы Deutsche Bankынын казначылыгынын башкармасынын орун басары кызматын ээлеп турган, Банктын насыялык куржунун башкаруу тобунун иш жүргүзүү башкармалыгынын командасын жетектеген жана башкармалыктын Ассистенти катарында иш жүргүзгөн.  WestLBде иштеген учурунда ал АКШга которулган инвестициялар башкармалыгынын командасын жетектеген жана мындан тышкары реструктуризация боюнча долбоорду жетектеген.

Кристиан 2001-жылдан баштап, тобокелдиктерди башкаруу жана натыйжалуу башкаруу боюнча кеңешчи катарында иштеген, ал 70тен ашуун микрофинансылык уюмдардын жана банктардын, мындан тышкары бир катар эл аралык уюмдардын кеңешчиси болгон. Ал институттарга тобокелдиктерди башкаруу тармагын киргизүү жана казначылык иштер багытында бир катар кеп-кеңештик колдоосун көрсөткөн.

Кристиан Proyecto Horizonte—Боливиядагы коомчулуктарды өнүктүрүү программасы уюмунун негиздөөчүсү жана президенти болуп эсептелет. Бул уюм 2004-жылдан бери программанын алкагында  билим берүү жана саламаттыкты сактоо багытында  800дөн ашуун балага жана алардын үй-бүлөсүнө, ошондой эле коомчулуктарга өз тейлөөсүн көрсөтүп келе жатат.

Франкфурттагы (Германия)  Hochschule für Bankwirtschaft  окуу жайын бүтүргөн, банк иши жана финансы тармагы боюнча дипломдун ээси, мындан тышкары (Chartered Financial Analyst (CFA Финансылык талдоочунун жана Финансылык риск-менеджердин(тобокелдик-менеджеринин)(FRM) сертификаттарынын ээси.

ОРСОЛИЯ ФАРКАС

Директорлор Кеңешинин мүчөсү

Орсолия Фаркас, Triple Jump B.V – дүйнөдөлүк микрофинансылоонун алдыңкы фонддорунун биринин Аймактык менеджери болуп саналат. Азиянын, Африканын жана Жакынкы Чыгыштын микрофинансылык уюмунда үлүштүк инвестициялардын портфелин башкарат. Мурда ал Париж шаарында жайгашкан Европа Кеңешинин Өнүгүү Банкында Болгариянын жана Венгриянын аймактык менеджери катары эмгектенген, анда коммерциялык банктардын жана экологиялык жана коммуналдык инфраструктураны, социалдык турак-жайларды жана чакан ишкердик долбоорлорду каржылоого багытталган, өкмөттүн насыялык портфелин башкарган. Азыркы кызмат ордунда стратегияны баалоо, жалпы башкаруу, тобокелдиктерди башкаруу, насыялоо методологиясы жана социалдык көрсөткүчтөр боюнча долбоорлорду туруктуу жүргүзөт. Орсолия Фаркас – Африкада үч жана Борбордук Азияда бир микрофинансылык уюмдардын мүчөсү болуп саналат.